食在佐敦
-
蛋黃醬芝士焗扇貝 8⃣分
首先扇貝洗得好乾淨，冇任何沙粒，而焗既方法令到扇貝本身既鮮味更特出，加上淡淡芝士既香味，清新得黎又富有質感。而比較驚喜係蛋黃醬本身應該比較濃味，但係配搭上扇貝及芝士又唔會搶走海鮮既鮮味，同埋過鹹，反而有點甘甜，令依道菜成為左一個討喜既孩子。
-
蘑菇忌廉牛柳義大利麵 💰128 7⃣點5⃣分
菇味滿滿滲出黎，加上忌廉，奶香和菇香二合為一，就好似小龍女與楊過練緊玉女心經咁。義大利麵爽口彈牙，軟硬適中。最後係牛柳，令到個菜層次更豐富。因為如果唔加牛肉，口感可能食到最後會有點單調，但係加左牛肉，就令成件事變得更豐富。
-
南瓜湯配餐包 7⃣分
南瓜湯濃郁黏稠，而且色澤都好吸引人。餐包係平凡的外表但又內涵的人。賣相係樸實型，但包香依然十足，而且口感酥脆。
-
法式寶雲酥焗比目魚柳 💰248 7⃣點5⃣分
魚柳新鮮，而且上面佈滿脆口既迷你麵包糠，柔軟既魚柳配合酥脆既麵包糠，感覺十分特別，同時為菜式增加了食物的層次感。
-
餐茶 - 凍檸茶 7⃣點5⃣分
凍檸茶份量適中，而且佢係畀蜜糖你自己調配甜度，十分貼心。
Search